عدد الرسائل : 17 العمر : 37 المزاج : رايق تاريخ التسجيل : 19/05/2008
موضوع: قصة حب حزينه الإثنين مايو 19, 2008 6:14 pm
هو قصي عمره 24 سنه شاب موظف مؤدب كتير عمره مافكر يطلع على بنت كل هنه الشغل والاهل في يوم من الايام اولاد عمه اجوا من الخارج عبلدهم ميشان يدرسوا هان اجا ابنه عمه محمد وبنت عمه مي بنت حلوه كتير بتتمتع بخفة الدم وحب الضحك كان اول لقاء بينهم منعشر سنين من لما كانوا صغار مي اعجبت بابن عمها كتير يعني يمكن هي كانت تحلم فيه وهي صغيره وكانت كتير مبسوطه لما شافته بس قصي ما كان منتبه الها ابدا00000000000 ومرت الايام ومي كانت دايما تروح عدار عمها عشان تشوف ابن عمها لانهم ساكنين عند دار خالهم مي كانت صحبه مع بنت عمها دايما مي بتحب تحكي عن قصي ابن عمها الوحيد كانت كتير مجنونه منه لانه ما بينتبهلها ابدا هو كان خجول ومع مرور الايام اجا موعد سفر مي للخارج في اجازة نص السنه وها قصي فقد حس مي لانها كانت كل تيجي عليهم0000000000 مي وهي عند اهلها بالخارج وصل معلومات لاهلها انه مي بتحب ابن عمها وهو مابيحبها والاهل كانوا مش طياب مع دار عمها فزعلوا من مي لدرجة انهم كانوا بدهم يمنعوها انها ترجع تكمل دراستها بس مي وعدتهم انها تقطع علاقتها مع دار عمها نهائي ورجعت مي عبلدها لتكمل دراستها 0000000000 وصلت مي بلدها ومرت الايام ومي ما كانت تروح عدار عمها بس كانت كتير زعلانه عاللي صار فيها لانه كانت تحب ابن عمها وفي يوم من الايام بينما كانت مي نايمه اذا هو الجوال بيرن ردت ولقت ابن عمهاعالخط كتير انبسطت حكالها انه مشتاق الها وانه بيحبها كتير بس هو كان يخجل يحكي لغاية ما اتصل وحكا مي عواطفها حركتها نسيت وعودها لاهلها ورجعت لدار عمها وحب ابن عمها ومرت الايام ومي وقصي على اتصال ومقابلات طبعا بدون علم الاهل وحب بعض حب جنوني لغاية ما صاروا يقعدوا بالساعات عالتفلون حتى اجا الصيف واجوا اهل مي وهان ابن عمها طلب ايدها بس للاسف كانت الصدمه واهلها رفضوا رفض قاطع هو حاول انه يدخل اطراف كتيره بالموضوع بس محاولاتو ما فادت بشي مرت الايام ومازالوا قصي ومي بيحبوا بعض وعلى اتصال لانهم وعدوا بعض انهم ما يتركوا بعض القصه كبرت وصاروا الكل يحكي على مي صارت تضايق من كلام الناس عليها لانها بنت اهلها رجعوا عالخارج وضلت هي عند دار خالها ابن عمها كان دايما معها ويحاول يقنعها بانها ما تتخلى عنو لانه بيحبها وغيرها ما بيتزوج وهي كانت بتموت عليه وكانت بتقول غيره ما راح اتزوج بس للاسف كانت الوضاع بتزيد سوء والكلام بيزيد امه لقصي نفسها يتوج ابنها عشان تفرح فيه ودايما بتزن عليه انه ينسى بنت عمه لانه مافي نصيب اله فيها بس هو رافض وفي يوم من الايام كان قصي مواعد مي باحد الاماكن وبالصدفه اخوها شافها معاه مع العلم انه مي ممنوع منعا باتا انها تشوف ابن عمها او حتى تروح عدار عمها وراح حكى لاهله عالتلفون انه اخته لسه على علاقه مع قصي الاهل انجنوا وبهدلوا مي عالاخر لغايه انهم قطعوا علاقتهم معها فالبنت وصلت لحاله يرثى لها محتاره بين اهلها وابن عمها لغاية ما قررت انها تتركوا نهائي حاول انه يقنعها بس للاسف عالفاضي وضلوا فترة مفترقين لغاية ما اجى خبر خطوبة قصي لمي اكيد عارفين كيف الصدمه كانت لمي مي تعذبت كتير وغرقت بالدموع لانها ما كانت تتوقع هالشي وبهالسرعه انه ابن عمها ينسى حبها بهالسهوله مي استسلمت للواقع وضلتها عاشه باوهام حبها لغاية ما اجت اجازة الفصل التاني وسافرت عند اهلها ضلتها فترة ورجعت طول هالفتره ابن عمها ماغاب عن بالها وهي ببلدها في يوم من الايام كان جوالها بيرن حتى لقت رقم ابن عمهعا عتلفونها ما صدقت استغربت ردت عليه لقت صوت حزين بيقلها بحبك ومش قادر انساكي غلبت عاطفتها عليها ورجعتله ورجعت العلاقه وضلتها معاه حتى طلق خطيبته عشان خاطر بنت عمه ورجعت العلاقه شهووووووووور وفي يوم من الايام اجا عريس لمي وبضغوطات من الاهل البنت خطبت حاول ابن عمها انه يقف بس كل القرايب وقفوا ضدوا وبهدلوا وحكولوا خلي البنت تشوف نصيبها حاول يمنع بنت عمه بس الضروف كانت اكبر منها ومرت الايام والبنت خطبت ومر شهرين على خطوبتها ومي ما كانت تقدر تنسى ابن عمها ليل نهار ما بيغيب عن بالها حتى انها كرت خطيبها عالاخر ما كانت طايقاه وبيوم من الايام مي كانت عالنت واذا ابن عمها كان فاتح ايميلو سلم عليها سالها انتي مبسوطه ومي ما قدرت تخبي عليه حكتلو انها مو قادره تنساه عاتبها لانها خطبت ونسيته بس هي ذكرته بانه خطب وعملها قبل هيك النهم اقنعها بانها ترجعله وهان البنت صارت تخلي خطيبها يكرها وصارت كل يوم معها مشاكل لغاية ما اقنعت اهلها انه مو منيح وانها مابدها اياه مي سابت خطيبها ورجعت لان عمها وكل هدا الكلام من ورى الاهل وضلهم شهور مع بعض لغاية ما انكشفوا انهم بيحكوا مع بعض عرفوا اهل مي وهان ام مي قطعتها وبطلت تتصل عليها حتى اخوانها اللي بره بطلوا يكلموها وابوها نفسية مي دمرت عالاخر لانه العيله وقفت وقالت لازم هدي لعلاقه تنتهي باي طريقه والموضوع كبر مي فكرت باللي بيصير لقت الكل بيحكي بسيرتها تعبت كتير وقررت قرار نهائي انها تترك ابن عمها لغاية ما مي رجعت مع علاقه مع اهلها واقنعتهم بانها نسيت ابن عمها بس الحقيقه هي مازالت بتحبه لغاية مافقد قصي الامل وخطب من جدبد واليوم هو كتير مبسوط وحدد موعد زفافه مي كمان خطبت خطيبها كتير منيح بس مي مو مبسوطه لانها مو قادره تنسى ابن عمها اما قصي فهو مبسوط مع خطيبته وهيك بتخلص القصه مع قصي ومي شو رايكم بالمووضوع والذنب ذنب مين وبشو بتنصحوا مي المحتاره بحياتها :( :(
المدير العام
عدد الرسائل : 305 العمر : 34 تاريخ التسجيل : 25/01/2008
موضوع: رد: قصة حب حزينه الإثنين مايو 19, 2008 7:09 pm
انا من رأيي انه اذا كانوا بحبوا بعض عنجد يتزوجوا بعض والاهل رح يقبلو بعدين اما اذا كان في واحد منهم ممكن يغدر بالثاني انا من رأيي انه كل واحد يشوف حياته وما في حد ما بقدر ينسى شخص ممكن يكون بالدايه مش قادر ينساه بس بالنهايه بنساه ......
عدل سابقا من قبل المدير العام في السبت مايو 24, 2008 3:39 pm عدل 1 مرات
مي مشرفه
عدد الرسائل : 17 العمر : 37 المزاج : رايق تاريخ التسجيل : 19/05/2008
موضوع: رد: قصة حب حزينه الثلاثاء مايو 20, 2008 10:22 am
شكرا كتير يا حماده عالرد المقنع
شيرين
عدد الرسائل : 1 العمر : 36 المزاج : رايق تاريخ التسجيل : 20/05/2008
موضوع: رد: قصة حب حزينه الثلاثاء مايو 20, 2008 1:08 pm
مرحبا
بحب ارد على القصة لانها بجد بجد اثرت فيا كتير وبحب اقلك يا اخت مي كل انسان بالوجود بياخد نصيبوا.:arrow: ولو انتي من نصيب قصي غصب عن اهلك واهلوا راح تاخدوا بعض بس كل شيئ بيرجع للنصيب.:arrow: وبحب اقلك فكري بمستقبلك زي ما قصي فكر بمستقبلوا صح هوا ضحى عشانك وانتي ضحيتي عشانوا. :arrow: بس كل واحد مشيى بطريقوا واخد نصيبوا وعيشي حياتك مع خطيبك وانتي غلطانة انك ضايلة بتفكري فيه واذا خطيبك زي ما بتقولي انسان محترم كملي حياتك معوا وانسي الدنيا وكل ما فكرتي في قصي انتي بتخوني خطيبك الجديد وحرام عليكي تعزبي حالك بقصة ماضية حاولي تنسى وانا عارفة الحب الاول مستحيل تنسيه بس حاولي وعيشي حياتك والله يوفقك يارب وبنحضر عرسك وين ما يكون يكون وتجيبوا كتاكيت حلوين يملوا عليكي حياتك ورح تحسي بالامومة وانا بقلك اهلك عملوا هيك لمصلحتك يمكن كنتي رح تعيشي حياة مش حلوة صح بتحبي قصي بس يمكن عيشتك مش حلوة معوا والله يوفقك يارب يا مي ويخليكي لخطيبك ودعواتك لكل انسان بيحب ربنا يوفقوا هوا وحبيبتوا
بالتوفيق يارب شيرين ام مهيااار
m7moud91
عدد الرسائل : 84 العمر : 33 المزاج : مبسوووووووووووط تاريخ التسجيل : 19/05/2008
موضوع: رد: قصة حب حزينه الأربعاء مايو 21, 2008 5:27 am
يسلمو مي ع هيك قصه.... وانا برأيي انه خلص بما انه قصي مبسوط خلص لازم تنساه !!!!! لأنه بصراحه كل واحد كويس الا يطلع واحد أحسن منه!! :)
عبود كريشان
عدد الرسائل : 3 العمر : 37 تاريخ التسجيل : 10/06/2008
موضوع: رد: قصة حب حزينه الأربعاء يونيو 18, 2008 2:26 pm
قصه روعه..بس بحب احكي لمي انها تحط القاعده هاي بين عيونها...النصيب فوق كل اشي ..والايام الجايه رح تكون احلى واحسن عليكي انشالله وبالتوفيق وانسي كل اشي مضي وخليه مع الزاكره وكل شي بروح (البقــــــــاء لله)
